CAGAYAN DE ORO CITY-Gikalipay karon sa Marawi PNP ang tinguha ni Director C/Supt Ronald de la Rosa
nga itukod ang bag-ong police station sa Marawi City.
Kini human deklarado na sa militar nga natapos na ang pakig-giyera batok sa mga teroristang Maute-ISIS sa maong syudad kagahapong adlawa.
Gibutyag ni Marawi
City Police Station commander Supt Ebra Moxsir nga ipakusog pa nila ang ilang internal security operations
aron dili na masubli ang susamang pagpangatake sa mga terorista.
Nasayran nga kapi’g 100 ka tropa sa gobierno nga namatay,7 niini ang gikan sa PNP diin kabahin ang deputy commander sa Marawi City Police Station dihang gi-atake sa Maute group sa Mayo 23 ning tuiga.
