CAGAYAN DE ORO CITY-Kasuhan na karong adlawa sa PNP ang magtiayon ug laing usa ka sibilyan nga
nakuhaa’g mga bala sa high powered firearms sa checkpoint diha sa Brgy Amoros,El Salvador City.
Kini human pakyas ma-presentar nila ni Jerry ug Amalia Balabat ug Serio Pangitahon ang dokumento nga legal
ang pagkarga sa mga bala sa gimaneho nila nga passenger van.
Gibutyag ni El Salvador City Police Station commander Supt Jerry Tambis nga illegal possesion of ammunitions and explosives ang ikaso nila batok sa mga suspek.
Nabawi ang maong mga bala nga gilakipan sa caliber 30,40,50,60,AK-47,M-16 ug M203 grenade launchers dihang giingong gipakarga sa usa ka army Capt Rey Villacampo gikan sa Marawi City ug padulong unta sa General Santos City sa miaging adlwa’ng Lunes.
Samtang makigkita ang Misamis Oriental PNP sa kadagkuan sa militar kabahin sa mga bala nga nabawi sa El Salvador City sa miaging adlaw.
Kini human nagpabiling tanghaga ang pagkatawo ni Villacampo nga unang gipaila ni Balabat nga nagsugo
kaniya.
Miingon si MisOr Provincial Police Office Director Sr/Supt Rolando Destura nga prioridad nila nga
makasuhan ang grupo ni Balabat sa piskalya ning adlawa.
Una usab niini,dili makakompirmar ang 4th ID,Philippine Army kon asa nga unit nasakop si Villacampo nga giingong nagpalusot sa dagkong klase sa mga bala sa armas.
