CAGAYAN DE ORO CITY- Wala matugaw ang paghinumdom sa 50-mil ka tawo nga dagsa diha sa city memorial park sa Sitio Bolonseri,Brgy Camaman-an ning syudad.
Kini subay sa assesment sa PNP nga milusad sa Oplan Kaluluwa 2017 nga nakatutok sa maong sam-ang sa dakbayan.
Miingon si Police Sr/Insp Johnny Agutaya,ground commander sa Oplan Kaluluwa 2017 sa maong sam-ang nga walay dagkong kontrabando nga nakompiskar gikan sa mga dumuduaw.
Nagpasabot lamang kini nga napatuman sa kapolisan,militar ug friendly forces ang gabayan sa paghatag seguridad kontra insurhensiya ug terorismo diin target ang rehiyon.
