CAGAYAN DE ORO CITY-Gipanganti sa pamilya sa pulis officer nga masilotan ug madugta sa prisohan ang mga rebelde nga responsable pag-ambush sa Amai Manabilang Police Station patrol sa Tigkalaan,Talakag,Bukidnon.
Kini bisan nga nangayo’g pasaylo ug pasabot ang grupo ni NPA-NCMR spokesperson Ka Malem Mabini sa gidangatan sa pipila ka sibilyang Maranao-Muslim nga nadamay sa ilang pag-ambush sa mga pulis sa miaging semana.
Miingon si Grace Carillo,igsoon sa napatay nga si SPO3 Arnel Carillo nga gusto nila masikop ang grupo ni Mabini aron masilotan sa ilang salaod.
Gihulagway sa mga kaubang pulis si SPO3 Carillo nga matarong ug walay libog sa trabaho dihang kini wala pa-ambusa sa mga rebelde.
Una niini,mismo si Mabini ang nangayo’g pasaylo sa kamatayon sa upat ka bulan nga bata ug pagkaangol sa laing tulo ka sibilyan dihang naapil nila’g ambush ang Toyota Fortuner sa Bukidnon sa miaging semana.
