CAGAYAN DE ORO CITY-Gikonsiderar sa Bureau of Fire Protection o BFP nga short circuit ang hinungdan sa pagkasunog sa pinuy-anan ug usa ka bakery diha sa Brgy Gusa ning syudad kagahapon sa kadlawon.
Kini human kumpirmado usab nga namatay ang usa ka Nelly Zapanta,65 anyos nga lumad taga-Negros Occidental dihang nalukong sa kuwarto.
Miingon si SPO1 Dennis Dales,imbestigador sa BFP nga may nasupak ang pamilyang Macaraig kabahin sa pagpa-okupar
sa Nature’s Bread Bakeshop.
Una niini,gisaka sa ikaupat nga alerto ang sunog nga nagsumikad sa bakery area diin nagtala sa 1.2 milyon pesos nga structural damage.
Samtang gibasol sa pamilyang Macaraig ang giingong depektosong electrical wiring hinungdan nga nasunog ang ilang
kabtangan sa Brgy Gusa ning syudad.
Miingon si Beinvenido Macaraig Jr nga nagduda usab sila nga posibleng may nasuko kanila nga mga tawo nga mihimo sa pagsunog sa ilang gambalay nga naglakip sa usa ka bakery.
Apan giklaro ni Macaraig nga itugyan nila sa mga otoridad ang hitabo ilabina nga kumpirmadong namatay ang ilang su-od nga higala nga si Zapanta dihang miulbo ang sunog.
