CAGAYAN DE ORO CITY- Patay sa bangga ang usa ka lalaki sa panagbangga sa motorsiklo ug sakyanan nga iya sa simbahang Katoliko diha sa coastal road sa Brgy Lapasan ning syudad kaganihang kadlawon.
Giila ang biktima nga si Teddy Kevin Fuentes,hingkod ang panuigon ug nagpuyo sa lungsod sa Pangantucan,Bukidnon.
Gibutyag ni SPO1 Al Hadji Acmad,imbestigador sa Agora Police Station nga maoy nagmaneho sa Ford Ranger nga si Fr Renerio Tacas-Tacas nga nagpuyo sa Brgy 1 ning syudad.
Nagkabangga ang motorsiklo ug sakyanan tungod sa sobra ka ngitngit nga dalan sa maong lugar.
Sa pagkakaron,gihikay na sa kapolisan ang mga dokumento aron pormal ipasaka ang kaso batok Tacas-Tacas sa piskalya ning syudad.
