CAGAYAN DE ORO CITY-Blangko pa ang kapulisan sa motibo sa pagpatay sa tulo ka lalaki nga gapamaligya’g bangko sa Brgy Dadu, Balindong, Lanao del Sur.
Nakit-an nalang nga wala nay kinabuhi ang mga biktima nga sila si Julito Sarsaba ug Rolando Crisostomo 37 nga taga Tubigan, Initao ingon man si Greg Baguio 33-anyos nga taga Gitagum, Misamis Oriental.
Namaligya sa plastic wares ang mga biktima sakay sa multicab apan napalgan na lamang kini nga wala nay kinabuhi.
Giimbestigaran karon sa kapulisan ang posibilidad nga hinimoan sa mga teroristang Maute ang pagpatay sa mga biktima.
Apan gilikayan una sa mga otoridad nga motumbok og grupo nga maoy mibuhat sa maong krimen ilabina kay kulang pa ang ilang nahuptan nga mga ibedensya.
Sa pagka karon, nag padayon pa ang gihimong imbestigasyon sa kapulisan aron masuta kung si kinsa ang tinuod nga responsable sa maong krimen.
