CAGAYAN DE ORO CITY-Gikasuhan na sa pagplapas sa Comprehensive Firearms and Ammunition Regulation Act o pagbaton sa ilegal nga armas ang mag-amahan nga nailang sila Gregorio Oplimo Jr ug Gregorio Sr, pulos hingkod ang panuigon ug mag-uuma nga nagpuyo sa Don Carlos,Bukidnon.
Unang gisilbi sa kapolisan ang search warrant batok sa suspek human gitumbok kini nga nagbaton sa mga tag-as nga kalibre sa armas.
Wala napakyas ang mga otoridad sa ilang pagronda tungod kay nakuha man nila sulod sa balay sa batan-ong suspek sa Purok 4, Brgy. San Antonio West ang sama sa 2 ka units sa cal. 45 nga dunay upat ka bala ug laing 27 ka cartridges sa kalibre 45.
Nakuha usab ang laing usa ka unit sa kalibre 45 nga pistola, tulo ka KG-9 submachine gun, laing duha ka short magazine alang sa cal. 45 pistola ug nakuha ang dul-ag 30 ka cartriges sa 9mm pistol.
