CAGAYAN DE ORO CITY-Mihimo’g konsultasyon sa nagkadaiyang sektor ang Commission on Elections o Comelec kabahin sa brgy ug SK elections sa tulo ka rehiyon sa Mindanao diha sa Grand Caprice Hotel ning syudad kagahapong adlawa.
Kini sa tuyo nga makuha sa taga- Comelec ang mayoriya nga tingog sa taga- Mindanao kon angay ba nga ihinayon o dili ang synchronized elections sa Mayo 14 ning tuiga.
Miingon si Comelec Commissioner Louie Tito Guia nga kaugalingon nila nga lakang ang konsultasyon aron makahimo’g hukom kon sama sa tuig 2017,i-kanselar usab ang brgy ug SK elections sa Mindanao nga padayong ubos sa martial law.
Giklaro ni Guia nga wala kanila ang gahom nga labwan ang balaod nga unang nagkanselar sa
brgy elections sa miaging tuig apan kaugalingon nila kini nga inisyatiba aron masiguro nga dili makahinayak paggasto kon
apektado ang seguridad sa katawhan sa Mindanao.Samtang giuyunan sa mayoriya sa mga grupo nga mitambong sa Comelec
public consultation nga isibog brgy ug SK elections nga gitakda unta sa Mayo 14 ning tuiga.Kini human paminawa sa duha ka
Comelec commissioners ang nagkalain-laing rason sa nagkadaiyang sektor nga mitambong sa konsultasyon kagahapon sa
hapon.Miingon si Comelec regional director Atty Reynato Magbutay nga magamit sa Comelec en banc ang position papers sa
mga mitambong sa katiguman alang sa ilang ilugwa nga hukom kon may eleksyon o wala sa brgy sa Mindanao ning
tuiga.Gitakdang mohimo’g katapusang konsultasyon sa katawhan ang Comelec sa North Cotabato gikan sa Cagayan de Oro ug
Zamboanga City sulod gihapon ning bulana.
