CAGAYAN DE ORO CITY-Patay sa ngilgngig nga bangga tali military truck ug motorsiklo ang motorista diha sa Purok 4,Brgy Linangkayan,Naawan,Misamis Oriental kagahapon sa hapon.
Giila ni Misamis Oriental Provincial Police Office spokesperson Sr/Insp Corrine May Espigoy ang biktima nga si Roland Cabiladas,hingkod ang panuigon ug nagpuyo sa maong lungsod.
Padulong ang military truck nga gimaneho ni PFC Mario Garcia Jr nga taga-San Mariano,Isabela sa Cagayan de Oro gikan sa Iligan City samtang nasugat niini ang motorsiklo hinungdan sa bangga.
Gidali pa sa pagdala sa Manticao Provincial Hospital si Cabiladas apan dead on arrival nga naatiman sa mga doktor.
Gipaubos sa kustodiya si Garcia samtang gipadayon pa ang pag-imbestigar sa aksidente.
Nasayran nga ang maong military truck ang nagsilbing support unit sa duha ka forward service vehicles nga nakabase sa Camp Panakan,Davao City.
