CAGAYAN DE ORO CITY-Gibarugan sa legal team ni Gov Bambi Emano ug Misamis Oriental Intergrated
Sports Council General Manager President Elipe nga pribadong pasilidad ang Don Gregorio Pelaez Sports
Center diha sa Velez Street ning syudad.
Kini ang rason nga namugos si Atty Jhong Cubillo abogado ni Emano ug Elipe nga walay basehan ang mga gipasaka ni CSWD employee Ernesto Molina batok kanila sa Ombusman.
Miingon si Cubillo nga wala mangayo’g pondo sa provincial govt ang MOISC ingon man pribadong pagdumala kini ni Elipe hinungdan dili ma-establisar ang kaso sa nepotismo.
Una niini,gihimakak ni City Mayor Oscar Moreno nga gisugo niini si Molina aron kasuhan si Emano ug Elipe sa
Ombudsman.
Samtang sukwahi sa pagtoo sa panig Emano ug Elipe,kumbinsido sila si Atty Erasmo Damasing Jr ug Atty Antonio Soriano nga gipanag-iya sa gobierno ang Don Gregorio Pelaez Sports Center.
Miingon si Damasing,kinsa kongresista ug bise-mayor sa syudad nga mahimo lamang enskato si
Emano ug Elipe kon may balaod nga magmatood nga nabalhin sa pagka-private enterprise ang Pelaez
Sports Center.
Samtang gibutyag usab ni Soriano nga imposible nga mahimong pribado ang pasilidad ilabina nga salapi sa gobierno ang gigamit pagtukod niini.
Kini ang hinungdan nga alang kang Soriano gipanag-iya sa publiko ug dili pribado ang Pelaez Sports Center ilabina nga yuta sa probinsya ang gitukuran niini.
