CAGAYAN DE ORO CITY-Ipaubos sa otopsiya ang patay’ng lawas sa usa ka sekyu nga nakit-an nga duol nang madugta sa Adela Subd, Brgy Camaman-an ning syudad kaganihang buntag.
Kini aron masuta kon unsa’y gikamatyan sa biktima nga si Jayson Ladao, 31 anyos, minyo ug lumad nagpuyo sa Camiguin Province.
Miingon si SPO4 Paul Jean Ragmac, imbestigador sa Scene of the Crime Operatives nga duha ngadto tulo ka adlaw nang namatay ang biktima hinungdan nga nanimaho na ang kuwarto nga giabangan niini.
Hinoon, walay samad nga nakit-an sa lawas niini gawas lamang nga adunay pagdako sa iyang kinatawo.
Nasayran nga gisulti sa kabanay niini si Junior Lumacas nga nagtrabaho sa Northern Mindanao Medical Center ug giingong nagbaton sa trato nga bayot.
