Gisita sa Philippine Coast Guard ang Chinese research vessel nga Jia Hai Ke 7 nga nasiplatan sa gilay-ong 37 nautical miles gikan sa Itbayat, Batanes.
Ang barko gituoha nga milusad sa dili otorisadong marine scientific research sulod sa Philippine Exclusive Economic Zone o EEZ sukad pa sa Setyembre 28.
Gimonitor sa PCG ang lihok sa mga insik gamit ang BRP Teresa Magbanua ug usa ka Islander aircraft aron bantayan ug pukanon ang operasyon sa barko.
Una niini, mipahigayon sa radio challenges ug pagdeploy sa rigid-hull inflatable boat ang kampo sa Pilipinas aron masamok ang ilegal nga operasyon sa Chinese vessel.
Mitubag sa tawag sa radyo ang China Coast Guard vessel CCG-2503 ug mipagula sa ilang kaugalingong radio challenge batok sa PCG.
Hinoon, human sa walay puwas nga intimidasyon, misibat ra ang Jia Hai Ke 7 gikan sa posisyon ug gisundankini sa PCG hangtod nga nakagawas kini sa Philippine EEZ
