Gisaway ni Atty. Pat Trimor sa Trimor Law Office ang dagan sa impeachment trial batok kang Bise Presidente Sara Duterte nga milungtad og 32 ka adlaw ug 13 ka semana.
Matod sa abogado, kulang sa lig-ong ebidensya ang prosekusyon ug nagpakita kini sa kakulang sa pagpangandam.
Giingon nga pasangil ug istorya ra ang gidala sa prosecution panel ug wala kini makapamatuod sa mga akusasyon batok sa bise presidente.
Gisaway usab ang pagpresentar sa mga testigo nga walay klarong basihanan. Kini nga mga testigo, matod pa ni Trimor, kinahanglan pang tubagon sa depensa aron ipakita ang kahuyang sa kaso sa prosekusyon.
