CAGAYAN DE ORO CITY-Gisikop sa tinugyanan sa PNP Anti-Cyber Crime 10 ang duha ka lalaki nga suspek paghimo’g fake IDs sa Divisoria ning syudad.
Kini human unang milugwa ang warrant of arrest batok kanila ni Rodnito Lopez ug Ismael Fuentes nga pulos nagpuyo ning syudad.
Miingon si C/Insp Ignacio Gamba, regional director sa PNP Anti-Cyber Crime 10 nga kanhi na nasikop ang duruha kaniadto apan giingong subli mibalik sa illegal nga kalihukan.
Mahimong makagawas ang mga suspek kon makaduso’g piyansa sa korte ning syudad.
Gi-presentar sa korte ang duruha alang sa pormal nga desposisyon sa kaso.
