CAGAYAN DE ORO CITY-Naluwas sa PNP-10 inabagan sa pribadong sektor ang 11-mil 765 ka kanhi drug pushers ug users dinhi sa rehiyon.
Kini human nalusad sa PNP-10 ang dul-ag 2 milyones ka house vistitations alayon sa programang Oplan Toktok Hangyo o Tokhang sa Northern Mindanao.
Miingon si PNP regional spokesperson Supt Lemuel Gonda nga sa 84-mil 342 ka Tokhang surrenderees nga gipaubos sa recovery ug wellness programs,11-mil 765 kanila ang mi-gradwar.
Kini nagkahulugan nga napabalik sa PNP-10 sa normal ang kinabuhi sa maong mga Tokhang surrenderees tungod sa programa.
Nasayran nga nag-una ang Northern Mindanao sa tibuok nasud sa pinakadagha’g Tokhang responders sukad gisugdan Hulyo 1, 2016 hangtod Pebrero 19 ning tuiga.
