CAGAYAN DE ORO CITY-Panangtangon ni acting City Police Director Sr/Supt Nelson Aganon kadtong mga police commander nga pakyas makasunod sa gipatuman nga security measures sa syudad.
Kini human gimando ni Aganon nga sayo na sa kadlawon mohimo’g police visibility ang kapolisan sa kadalanan aron proteksyonan ang katawhan.
Miingon si Supt Mardi Hortillosa,tigpamaba sa Cagayan de Oro City Police Office nga gihatagan ni Aganon ang station commanders sa higayon pagpatuman niini kay kon mapakayas sila,tangtangon sila sa ilang mga puwesto.
Samtang himbisan una ni City Mayor Oscar Moreno sulod sa unom ka bulan ang liderato ni Aganon alayon sa paghatag segurida sa dakbayan.
Kini human hulipi ni PNP regional director C/Supt Timoteo Pacleb si Sr Supt Robert Roy Bahian ug gibalhin isip camp commander sa PNP-10 headquarters ning syudad.
Miingon si Moreno nga dili problema kaniya kon kinsa ang itudlo nga police director sa kondisyon nga masumpo lamang ang nagkadaiyang kremin nga hayan mahitabo sa syudad.
