CAGAYAN DE ORO CITY-Gihataga’g gradong di pasado ug wala pud nabagsak sa progresibong pundok ang performance ni Pres Rodrigo Duterte paghatag pagtagad sa panginahanglan sa mga trabahante.
Kini bisan unang gisaad ni Pres Duterte nga wad-on na ang kontraktuwalisasyon sa panarbaho nga gihimo sa halos daghang kompanya sa nasud.
Miingon si Kilusang Mayo Uno o KMU Northern Mindanao Sec Gen Wildon Barros nga angay gamiton ni Duterte ang puwersa niini sa kongreso aron mahatag ang klarong benepisyo sa mga trabahante.
Kini ang hinungdan nga ilusad sa KMU ug ALU-TUCP ang nationwide protest diin nagsentro sa pagsaway sa pakyas pagwagtang sa end of contract isyu sa commercial companies.
