CAGAYAN DE ORO CITY-Gimando ni City Mayor Oscar Moreno nga imbestigaran ang pagkalumos-patay sa menor de edad nga lalaki samtang naligo sa Kagay-an Lawndale Spring Resort sa Sitio Taguanao,Brgy Indahag sa syudad.
Kini human gika-dismaya ni Moreno ang kamatayon sa biktima nga si James Cloyd Casiño nga taga-Talongan,Calaanan, Brgy Canitoan sa dakbayan.
Miingon si Moreno nga dili na niini gusto nga masubli pa ang maong trahedya rason nga gitahasan niya ang City Legal Office,Committee on Tourism sa konseho pag-imbestigar sa hitabo.
Samtang dili angay mahunong ang operasyon sa Kagay-an Lawndale Spring Resort sa Sitio Taguanao,Brgy Indahag sa syudad.
Kini tungod lamang sa pagkalumos-patay ni Casiño nga taga-Brgy Canitoan sa dakbayan.
Miingon si Kag Jay Roa Pascual,chairman sa tourism committee sa konseho nga angay bantayan sa ginikanan ug dili lamang isalig sa lifeguards ang kaluwasan sa ilang mga anak.
Kini samtang maligo sila beach ug resorts sa syudad.
Kabahin sa imbestigaran ang mismong manager ug lifeguards on duty dihang nalumos ang biktima.
