CAGAYAN DE ORO CITY-Makigtagbo ang DILG-Misamis Oriental sa PDEA-10 aron ma-update ang listahan sa suspected brgy narco-politicians nga naglihok sa kapi’g 400 ka brgy sa lalawigan.

Kini human unang gibutyag ni PDEA Dir Gen Eron Aquino nga 60 sa gilugwa nila nga 207 ka validated brgy narco-officials ang midaug sa miaging Brgy ug SK elections ning semanaha.

Miingon si DILG Provincial Director Edward Bhagwani nga mismo sa Misamis Oriental,natala ang daghang brgy kagawad ug pipila ka kapitanes nga nagpadayon pagbaligya’g gidiling droga.

Dumduman nga sa wala pa ang brgy ug SK elections,ubay-ubay’ng brgy kapitan ug konsehales ang nasikop sa PNP ug PDEA-10 nga suspected narco-politicians.