CAGAYAN DE ORO CITY-Ipalagpot ni City Police Director Sr/ Supt Nelson Aganon lakip ang station commanders nga ‘lousy’ nga makatuman sa direktiba ni PNP Chief Director General Oscar Albayalde ilabina pag-disiplina sa kapolisan ning syudad.
Kini human dismayado si Aganon tungod sa laing mga pulis nga nasapon nga nangatulo samtang anaa sa ilang duty sa pipila ka police stations ning syudad.
Miingon si Supt Mardi Hortillosa,tigpamaba sa Cagayan de Oro City Police Office o COCPO nga nagdumili na si Aganon pagbutyag kon asa nga police stations ug pila ka personahe ang nasapon nga nangatulog apan sila ipaubos sa imbestigasyon.
Sa Abril ning tuiga,gitangtang ni Aganon ang deputy commander sa Cogon Police Station ug laing walo ka kauban niini tungod sa pagpasagad sa ilang mga trabaho.
