CAGAYAN DE ORO CITY-Gikompirmar ni City Mayor Oscar Moreno nga sakop na nila si Association of Brgy Captains o ABC President Kag Alam Lim ning syudad.
Kini human gisalikway na ni Lim ang liderato ni Padayon Pilipino founder kanhi City Mayor Vicente ‘Dongkoy’ Emano sa dakbayan.
Miingon si Moreno nga tungod sa pagbalhin ni Lim, gilauman ang paspas nga pag-serbisyo sa katawhan sa kabarangayan ning syudad.
Una niini, gikakurat ni Emano ang kalit pagbali ni Lim kinsa suod niya nga higala sa taas nga panahon.
