CAGAYAN DE ORO CITY-Gikasubo sa pipila ka mga igsoong Muslim ang pagwagtang sa mga sensitibong probisyon sa Bangsamoro Basic Law o BBL.
Kini bisan nga aprobado na sa 3rd and final reading sa mga magbabalaod sa kongreso sa miaging Mayo ning tuiga.
Miingon ang Muslim scholar nga si Edris Salic nga unta dili makaapektar ang maong probisyon sa katibuk-ang porma sa BBL nga suportado ni Pres Rodrigo Duterte.
Una usab niini,gikompirmar ni Misamis Oriental 2nd District Rep Juliette Uy nga giwagtang nila ang probisyon nga nagtinguha nga magbaton ang Bangsamoro Region sa kaugalingong armadong puwersa ug pagpalapad sa mga lugar nga gusto nila himoong sakop.
