CAGAYAN DE ORO CITY-Dako’g ikatabang sa daling sulbad sa kamatayon ni Danao Punong Brgy Alfredo Zapanta ang tukuron nga special investigation task group o SITG sa kapolisan sa Misamis Oriental.
Kini human unang gibutyag ni Jasaan Police Station commander C/Insp Rogelio Labor nga pormahon ang SITG-Zapanta aron mag-imbestigar sa kamatayon sa biktima.
Miingon ang igsoon ni Kap Zapanta nga si Brgy 13 Kagawad Fresco Zapanta nga may matabang usab ang reward money nga gitanyag sa munisipyo sa Jasaan ug lalawigan.
Una niini,mohatag sa P25-mil nga personal si Pagaspas samtang si Gob Bambi Emano mohatag usab sa laing reward alang sa daling sulbad sa maong kremin sa miaging semana.