CAGAYAN DE ORO CITY-Gihulatan na lamang sa Naawan Municipal Police Station ang kumpirmasyon gikan sa pamilya aron mailhan ang pagkatawo sa patay’ng lawas nga gilabay sa Purok 3, Barangay Poblacion Naawan, Misamis Oriental.
Matud ni SPO1 Cirilo Manco, imbestigador sa Naawan Municipal Police Station nga ilang gihulatan ang pamilya sa biktima nga makabisita sa ilang buhatan aron makuha ang pangalan sa biktima.
Una niini, brutal ang kamatayon sa usa ka lalake kinsa giba-atan sa masking tape ang iyang baba, 5’4 ang height ug adunay patik nga “Nuel” sa iyang too nga kamot.
Nakaangkon ang biktima og samad pinusilan sa iyang ulo ug dughan.
