CAGAYAN DE ORO CITY-Nagminus na ang mga tawo nga nagtambay sa nagkadaiyang pampublikong mga lugar sa syudad sa dis-oras sa kagabii.
Kini sukad gipatuman ang city ordinance diin mangdakop sa mga tawo nga mag-inom sa pampublikong lugar sama sa daplin sa kalsada ug mga plaza sa syudad.
Miingon si City Police Director Sr/Supt Nelson Aganon nga ipadayon nila ang pagpanghipos sa mga tawo aron kalikayan nga sila mabutang sa peligro batok sa mga dunay tinguha nga dautan.
Una nang nakasuhan ang ubay-ubay’ng indibidwal nga nakasupak sa balaod sa syudad kontra pag-inom sa pampublikong lugar.
