CAGAYAN DE ORO CITY-Dili manginlabot ang liderato sa Commission on Elections o Comelec-10 sa pagkasikop sa ilang municipal election officer dihang gihimo sa PDEA-10 ang anti-illegal drug operation sa Brgy Iponan ning syudad.
Kini human dismayado si Comelec regional director Atty Reynato Magbutay sa pagkasikop ni Jose Mari Fernandez samtang giingong namaligya’g gidiling droga sama sa suspected shabu kagahapong adlawa.
Miingon si Magbutay nga nakurat kini sa gihimo ni Fernandez apan gipasalig niini nga dili manghilabot ang Comelec sa imbestigasyon sa PDEA-10.
Una nang nasikop ang suspected shabu supplier ni Fernandez nga si Clint Pagapulaan hinungdan nga nakuhaan sila sa 10 gramos diin may gatos-mil pesos nga estimated market value.
