CAGAYAN DE ORO CITY-Gireklamo sa mga ginikanan ang usa ka magtutudlo sa Corrales Elementary School human giingong gipangbunalan ang ilang mga anak diha sa Brgy 23 ning syudad.
Matud ni Mary Ann Macabangkit, presidente sa General Parent-Teachers Association nga gibunalan sa magtutudlo nga si Belly Gracines, Filipino teacher ang 28 ka estudyante niini human makakuha’g gamay nga iskor sa gihimong pasulit.
Samtang gitin-aw ni Macabangkit nga ilang isibog ang reklamo nga ilang giduso sa DepEd ug DSWD kun ugaling mangayo’g pasaylo ang magtutudlo nga si Belly Gracines sa ginikanan sa 28 ka estudyante.
Kini sa tumong nga dili na subling buhaton pa ang pagpangdagmal niini sa mga estudyante kon ugaling makakuha sa ubos nga grado. Maoy gi-demanda sa mga ginikanan ang public apology ni Gracines.
