CAGAYAN DE ORO CITY-Nagbahad si 403rd IB,Philippine Army commander Col Edgardo de Leon nga ilang dakpon ug ipabayad sa multa ang mga mayor nga masapon nga mohatag tabang sa mga rebeldeng New People’s Army.
Sumala ni De Leon nga nagpaggawas na’g kamanduan ang Department of Interior and Local Government nga dakpon ug ipagbayad sa multa nga 500-mil hangtud usa ka milyon ka pesos ang bisan kinsa nga magsuporta sa kalihukan sa mga armadong grupo.
Gihimo ni De Leon ang pahayag nunot sa gipatawag nga tigom sa mga mayores sa Misamis Oriental diin sila gipasabot sa tahas niini kon unsaon dili makabig ang ilang katawhan mokuyog sa kalihukan.
Una nang miggawas ang report nga adunay mga mayor sa rehiyon ang gasuporta sa kalihukan sa mga walhong grupo.
Samtang gi-awhag ni 4th ID commanding officer Maj Gen Ronald Villanueva ang mga mayor sa tibook rehiyon nga motabang sa kampaniya sa militar batok sa terorismo ug insurhensiya.
Siya miingon nga responsibilidad sa matag opisyales sa lugar ang pagseguro sa kaluwasan sa ilang mga residente batok sa mga rebelde.
Gihangyo usab niini ang local chief executives nga dili lamang personal nga interest ang ipasulabi sa ilang pagdumala sa usa ka lugar kundi kinahanglan usab sila mohimo’g programa o mga lakang aron mapakigbatukan ang insurhensya.
