CAGAYAN DE ORO CITY – Samaron ang pito ka sundalo ug laing tulo ka rebeldeng New People’s Army o NPA sa ilang pag-engkuwentro nila sa Sitio Kalabugao,Impasug-ong,Bukidnon.
Gibutyag ni 403rd Brigade Philippine Army commanding officer Col Edgardo de Leon nga nag-escort sila sa 11 ka foreign Indigenous People o IP ug local lumads nga nag-obserbar sa cultural presentation dihang gipabuthan silag anti-personnel landmines sa mga rebelde.
Gilayong mihimo’g pagbalos ang militar aron mahataga’g proteksyon ang mga langyaw nga naggikan sa Indonesia, Malaysia, Myanmar ug Vietnam hinungdan naigo usab ang tulo ka rebelde.
Gibutyag ni De Leon nga obligado karon ang mga rebelde nga e-isplikar sa katawhan kon nganong gihimo nila ang linu-og nga binuhatan diin nabutang sa peligro ang kinabuhi sa mga sibilyan nga gilakipan sa 11 ka langyaw kagahapong adlaw.
Hinoon,luwas nga nakaabot sa kauluhan ang mga langyaw’ng IP gikan sa ilang pagbisita sa Bukidnon.
