Nagmartsa ang mga miyembro sa Partido Demokratiko Pilipino–Lakas ng Bayan (PDP-Laban) sa atubangan sa Korte Suprema sa Manila, karong Martes, Nobyembre 3 sa buntag isip bahin sa usa ka indignation rally.
Gipangulohan ni Atty. Ferdinand Topacio ang maong tigom aron ipadayag ang ilang panawagan ngadto sa labing taas nga hukmanan sa nasud.
Giduso sa grupo ang paspas nga pagdungog ug pagresolba sa mga pending nga kaso nga anaa karon sa Korte Suprema.
Gipunting usab sa mga nagprotesta ang mga petisyon nga adunay kalabotan kang kanhing Pangulong Rodrigo Duterte ug Senador Ronald “Bato” dela Rosa.
Gihangyo sa PDP-Laban nga matarong ug daling aksyunan sa hukmanan ang mga nasangpit nga petisyon aron matubag ang mga legal nga isyu nga ilang gipasaka.
