CAGAYAN DE ORO CITY – Gihagit karon sa Dept of Justice o DoJ ang grupo ni Kabus Padatoon o KAPA founder Joel Apolinario nga iuli na ang mga salapi nga nakolekta gikan sa ilang mga nailad nga mga miembro.
Kini kon tinud-anay nga walay dautan ug dili pagpangilad ang gihimo ni Apolinario ngadto sa mga miembro niini.
Gihimo ni DoJ Undersecretary Yoyoc Yap ang hagit dungan sa padayong pag-imbestigar ug pagpangita s NBI sa lokasyon sa nagtagu-tago nga si Apolinario.
Una niini,may kaso nga giatubang si Apolinario ug ang ubang mga sakop sa KAPA sa piskalya sa kauluhan tungod sa pagpangilad nga nahimo nila sa publiko.
