CAGAYAN DE ORO CITY – Nangayo’g tabang si PHIVIDEC administrator Atty Franklin Quijano sa publiko nga tabangan sila nga makauli pagbalik ang iyang na-missing nga kapikas nga si Salma Theresa Bersales Gerona-Quijano.
Sa pakighinabi sa Bombo Radyo, gibutyag ni Quijano nga niadto pang miaging semana nilakaw ang iyang asawa sa wala gikabutyag nga rason ug wala na mipauli sa ilang pinuy-anan.
Nagdumili na si Quijano pagbutyag sa rason kon nganong milakaw ang iyang kapikas.
Una niini,gidangop na ni Quijano sa kapolisan ug ubang ahensya sa gobierno ang nahitabo ug nagpatabang usab kini sa Bombo Radyo aron paspas mapaabot ang mensahe alang paghiuli balik sa iyang kapikas.
