CAGAYAN DE ORO CITY – Gitugtan na sa Task Force Bangon Marawi ang internally displaced persons nga mabisita ang ilang panimalay sulod sa most affected area sa Marawi City,Lanao del Sur.
Tumong niini nga matul-id ang ilang mga nagguba nga balay nga apektado sa lima ka bulan nga engkwentro tali na sa state forces batok sa grupo sa Maute-ISIS niadtong Mayo 23,2017.
Si Task Force Bangon Marawi chairman Secretary Eduardo del Rosario miingon nga target niini nga mahuman sa IDPs ang pagtul-id sa ilang panimalay sa sector 1 sulod ning bulana.
Apan, gitin-aw ni Del Rosario nga mahimo lamang matul-id sa IDPs ang ilang panimalay kon makakuha sila’g permiso gikan sa Office of the Building Office sa syuad.
