Nagtoo ang constitutional law expert nga si Atty Jojo Lacanilao nga dili otomatik nga makakuha sa legal remedies ang depensa ni VP Sara Duterte.
Sa exclusive interviews sa BOMBO RADYO, iyang gipasabot nga kinahanglan pa ang defense team nga magpasaka sa reklamo sa Korte Suprema aron ma-aksyonan ang ilang Petition for Certiorari o Temporary Restraining Order (TRO).
Ang tumong sa petisyon mao ang pagbabag sa threshold ruling nga gihimo sa Senate Impeachment Court.
Matod ni Lacanilao, dili kini dali nga proseso tungod kay kinahanglan pa sa pormal nga aksyon sa korte.
Una niini, milaum ang depensa ni VP Sara nga mapugngan ang implementasyon sa ruling samtang nagpadayon ang impeachment proceedings.
Kun ugaling nasang-at na ang ilang petisyon sa pinaka taas nga hukmanan, ang legal nga proseso mahimong molungtad sa dugay pa nga panahon.
