Nahimugso na ang klaro nga tubag sa dugay nang pangutana sa publiko bahin sa gidaghanon sa boto nga gikinahanglan aron makombikto ang usa ka respondent sa impeachment.
Sa naglabay nga ika-29 nga adlaw sa impeachment hearing batok Vise President Sara Duterte, mipakanaug sa desisyon ang senate impeachment court nga gikan sa 16, anaa nalang sa 14 ka boto ang gikinahanglan aron hingpit ma-impeach ang respondent.
Matod ni constitutional law expert Atty. Jojo Lacanilao, kini usa ka importante nga desisyon nga naghatag sa direksyon sa proseso.
Giingon usab niya nga ang threshold ruling nagpasabot nga mas ubos na ang ihap sa boto nga gikinahanglan aron makab-ot ang ruling nga makapatangtang sa bise presidente.
Hisayran nga ang desisyon sa Senado nakahatag sa klaro nga kinaiya sa impeachment proceedings, ug misalikway sa unang ruling ni President Judge Francis Escudero nga 16 ang tukma nga ihap aron matangtang sa posisyon si Duterte.
