CAGAYAN DE ORO CITY- Gusto ni Cooperative Devt Authority o CDA chairman Orlando Ravanera nga ipabalik ang organic farming sa kabukiran.
Kini human mibati na’g dakong alkansi ang mga mag-uumang Pinoy epekto sa Rice Tarrification Law o RTL diin daghang imported rice ang gitugtan makasulod sa nasud.
Miingon si Ravanera nga kon dili mahimong kooperatiba ang mga mag-uuma,mosamot lamang ang ilang pag-antos.
Una nang nagpaubos sa inflation rate sa 1.7 porsiento apan sobra-sobra usab ang pag-ubos sa presyo sa mga bugas-humay nila nga paliton sa National Food Authority.
Gihimo ni Ravanera ang reaksyon dungan sa Mindanao Cooperative Summit diin gitambungan ni City Councilor George Goking ingon man sa duha ka Indian officials nga nagtinguha pagpatabang sa sektor sa agrikultura nga gihimo sa Xavier University gymnasium ning syudad.
