CAGAYAN DE ORO CITY – Gipamatud-an sa usa ka 23 anyos nga rebel returnee nga dunay child warriors ang New Peoples Army nga nag-edad sa 12 hangtud 17 anyos.
Namahayag si Alyas Bradex sa gipahigayong 4ID Custodial Debriefing Report nga gawas sa mga batan-on guerilla, kasagaran sa mga mapatay sa engkwentro nag-edad sa 23 anyos.
Mi-angkon si Alyas Bradex nga mi-anib siya sa komonistang pundok pag-edad niya sa 16 anyos hangtud sa nahimo siyang commanding officer sa ilang kampo ug nagmanso sa mga batan-ong combantants sa NPA.
Dugtong niini, gihingusgan ni Major General Nemesio Gacal, commanding officer sa 4ID ang pagpasaka’g kasong paglapas sa International Humanitarian Law (IHL) Rule 136 batok sa pundok sa mga komonista.
