CAGAYAN DE ORO CITY – Duha ka major NPA hideouts ang nakub-kob sa 403rd Brigade sa lasang ug utlanang bahin sa probinsya sa Bukidnon ug Agusan del Sur.
Gibutyag ni Brigadier General Edgardo de Leon nga kapin kon kulang 50 ka mga NPA members ang musigo sa matag hideout nga nilang na-ilog sa Pantaron Mountain ranges.
Narekober sa gibiyaang hideout ang usa ka garand rifle, mga personal notebooks, assorted nga mga tambal, subersidong dokumento, ug handbook nga nag-uluhang “Maikling Kurso sa Lipunan at Rebolusyon sa Pilipinas”.
Gisaad ni General de Leon nga dili nila undangan ang paggukod sa mga rebelde taliwala sa kalayo sa lugar.
Kini ang rason nga migamit sila’g mga choppers aron ipakatag ang tropa sa 4ID sa nahibiling lugar nga mahimong pasilongan sa mga komonista.
