CAGAYAN DE ORO CITY – Nadawat na sa 79 ka mga kanhi rebelde nga sakop sa New Peoples Army ang mukabat sa 4.5milyon pesos nga ayuda gikan sa gobyerno.
Gipasiugdahan sa Task Force Balik-Loob program ang pag-apud sa mga ayuda sa mga benepisyaryo sa Enhanced Comprehensive and Local Integration Program o ECLIP didto sa Tambayayong Hall sa CAPDev Center sa Malaybalay City, Bukidnon.
Namahayag si 403rd Civil Military Officer Captain Ryan Layug nga managlahi ang kantidad sa benepisyo nga nadawatan sa dul-ag 80 ka mga rebel returnees tungod kay gibase kini sa klase sa armas nga ilang gidala.
Hisayran nga ang pagtunol sa cash assistance kagahapong adlawa, dunga nga gihimo sa tolo ka mga rehiyon nga gitumbok nga conlict affected area.
Kini gilangkoban sa rehiyon 11, 12 ug 13.
