CAGAYAN DE ORO CITY – Naalarma karon ang Dept of Health -Central Office sa gindaghanon sa positibong kaso sa coronavirus disease nga natala sa tulo ka dagkong probinsya sa Northern Mindanao.
Kini human mi-sobra na sa gatus ka kompirmadong kaso ang nahuptan sa rehiyon.
Kini ang hinungdan nga gitratar sa ahensiya ang Misamis Occidental,Bukidnon ug Lanao del Norte nga ’emerging hot spots’ tungod sa paspas nga pagsaka mga tawo nga natakbuyan sa maong sakit.
Miingon si DoH spokesperson Undersecretary Maria Rosario Vergeire nga kabahin sa konsiderasyon sa hot spot area ang kalit pagbaton sa positibong kaso sa ka lugar nga kanhi wala masudli sa bayrus.
