CAGAYAN DE ORO CITY – Pulos walay seryoso nga gibati nga sintomas sa coronavirus disease ang walo ka locally stranded individuals ug duha ka returning OFWs nga nakabalik dinhi sa dakbayan.
Kini bisan sa ilang pag-positibo samtang gisulod sa city isolation units sa syudad aron pugngan ang posibleng local transmission ngadto sa ilang mga mahal sa kinabuhi.
Gihimo ni City Health Office head Dr Lorraine Nery ang komento nunot sa pagsaka pa ngadto sa 89 ka kaso sa positibong pasyente ang gihuptan sa syudad.
Kini gilakipan sa tulo nga taga-Brgy Carmen,tag-duha sa Brgy Canitoan ug Brgy Macabalan samtnag tag-usa sa Brgy Bugo ug Tablon ning dakbayan.
