CAGAYAN DE ORO CITY – Mag-una’g pabakuna si Gov Bambi Emano ug ubang opisyales sa kapitolyo kon makit-an niini nga ubos ang rollout sa vaccination program sa Misamis Oriental.
Kini kon mas modaug ang kahadlok sa katawhan gumikan sa kabalaka sa idulot nga epekto sa panglawas gamit ang mga bakuna nga na-order sa national govt alang sa nasud.
Miingon ang gobernador nga andam sila nga mosunod sa gabayan sa IATF apan kon gikinahanglan nga mo-una sila’g pabakuna aron modugang kumpiyansa sa katawhan,ila kining himoon.
Samtang gusto ni City Mayor Moreno nga magbaton sa ‘stable’ nga presyo ang mga bakuna nga paliton ug gamiton alang sa vaccination program sa katawhan sa syudad.
Kini ang kabahin sa rason nga wala una gilayon mihimo sa pag-order ang dakbayan sa mga bakuna nga itupok sa mga residente sa dakbayan sa mga mosunod nga semana.
Miingon si Moreno nga agdon usab niini ang price consistency nga ipatuman sa national govt aron dili mapihig ang katawhan kon simbako mahal nga presyo sa bakuna ang ma-order sa lokal nga pangagamhanan diin una nang mi-target sa 300 hangtod 500 million pesos nga alokasyon.Samtang
