CAGAYAN DE ORO CITY – Gikontra kanhi City Mayor Oscar Moreno ang daw pagpanghunaw ug pagbasol sa city govt ngadto sa kabarangayan pag-abot sa isyu sa naghitak nga basura sa dakbayan.
Kini human unang gipatawag sa City Local Enviroment and Natural Resources Office o CLENRO ang mga opisyal sa brgy aron ipasabot ang istrikto na nga pagpatuman sa balaod kabahin sa pagpangulekta sa mga basura sa syudad.
Miingon si Moreno nga limitado ang kapas sa brgy ug sa city govt gyud gihapon kini mosandig aron magbaton sa kahapsay ug kalimpyo kontra basura ang dakbayan.
Una niini,nanganti si CLENRO manager Engr Armen Cuenca nga mag-atubang sa mga kaso sa buhatan sa DILG,Ombudsman ug DENR kadtong mga brgy nga pakyas pagmintinar sa kalimyo sa ilang mga tugkaran epektibo ning tuiga.
Hisayrang dakong isyu ang takdo nga pagkuha sa mga basura sa dakbayan kay dunay kakulangon ang pipila ka hingtungdang mga partido niini.
