CAGAYAN DE ORO CITY, Philippines – Gibasol ni Presidente Ferdinand Marcos Jr. ang arkitekto, ug ang driver sa truck sa bato kung nganong nahagsa ang kapin tuig pa nga tulay sa Isabela.
Sa milabay’ng adlaw, linawas nga gisusi ni Marcos ang Cabagan-Santa Maria Bridge kuyog ang lokal nga opisyal sa maong lugar ug pipila sa iyang gabinete.
Human sa iyang pagsil-ip, namahayag dayon si Marcos nga walay laing basulon sa insidente mao ang nag-desinyo o arkitekto sa tulay ug ang pag-agi sa mga bug-at nga mga sakyanan sa maong pasilidad.
Gitawag ni Marcos ang desinyo sa tulay isip depektoso ug gimando ang pag-imbestigar sa katukuran niini.
Nasuta usab ni Marcos nga muabot sa 1.8 bilyon ang budget sa tulay apan giminusan kini sa LGU sa maong lugar.
Unang namatikdan sa presidente nga ang tulay gidesinyo aron mahimong suspension bridge, apan wala kini mga kable nga kinahanglanon alang sa suspension.
Siya miingon nga ang mga suporta sa tulay kinahanglan unta nga gikan sa ubos hangtod sa taas, apan wala kini masunod sa disenyo.
Hisayran nga natukod ang tulay sa Nobyembre 2014 ubos sa Administrasyon ni kanhi Presidente Noynoy Aquino, ug napadayon sa administrasyon ni Kanhi Presidente Rodrigo Duterte, ayha nasubhan sa Pebrero 1, 2024, ubos sa administrasyon ni Marcos.
Nahagsa ang tulay niadtong Pebrero 27, ning tuiga.
