CAGAYAN DE ORO CITY, Philippines – Gilaraw sa Department of Transportation (DOTr) nga subling tun-an ang gi-implementar nga programa sa PUV Modernazation sa kasamtangang administrasyon.
Miingon ang bag-ong appointee ni Presidente Bongbong Marcos nga si Vince Dizon nga suportado nila ang dagan sa modernisasyon sa sector apan gikinahanglan nga tubagon ang pipila ka mga yangu-ngo sa mga driver ug operators nga padayong nagsupak sa programa.
Unang gipamugos ni Dizon nga ang programa nagtumong sa paghiusa sa dagan sa public transport, ug masolosyonan ang mga bangi pinaagi sa konsultasyon.
Wala gikahimoot sa kalihim ang padayong paglusad sa lihok protesta sa mga grupo sa drayber nga hangtud karon giila nga anti-poor ang pagconvert sa ilang mga jeepney units sa tag-minilyon nga kantidad sa mga gagmay nga bus.
Nagpahinumdum si Dizon sa publiko nga dili makapugong ang pipila ka indibidwal sa kalambuan ug modernisasyon sa pampublikong transportasyon sa Pilipinas.
Gumikan niini, laraw ni Dizon mangunsulta kung unsa ang labing maayo nga dalan aron musanong na ang tanan sa programa.
