CAGAYAN DE ORO CITY, Philippines – Nabutang sa alanganin ang posisyon ni Malacanang Press Officer Atty Claire Castro human gipamatud-an ni Senador Imee Marcos nga NASUKO ang iyang igsoon ni Presidente Ferdinand Marcos Jr sa iyang gilusad nga imbestigasyon sa senado, pabor sa pagkuwestiyon sa legalidad sa pagtaral kang kanhi Presidente Rodrigo Duterte padulong sa International Criminal Court, sa The Hague, Netherlands.
Kagahapon, gisaysay sa presidential sister ang mga rason kung nganong wala na siya nganli sa presidente sa ilang Alyansa Rally niadtong mihimog campaign sorties ang senatorialk line up sa administraston sa Cavite.
Una nang namahayag si Castro nga nalipay “daw” ang palasyo sa gilusad nga imbestigasyon ni Senador Marcos kay nahatagan sa katin-awan ang pipila ka kontrobersyal nga proseso nga gikuwestiyon sa pamilya Duterte.
Una nang nabutang sa kontrobersiya ang posisyon sa kanhi broadcast journalist sa ABS-CBN – nga si Castro human mismo ang mga reporters sa Malakanyang ang mikuwestiyon ug nagduda sa iyang iyang mga pamahayag kung kini ba 100% gikan sa baba sa pangulo.
