CAGAYAN DE ORO CITY, Philippines – Andam ang gobyerno nga ibalik gikan sa National Treasury ang P89.9-bilyon nga pondo sa PhilHealth, kung imando kini sa Korte Suprema.
Apan mitin-aw si Finance Secretary Ralph Recto nga ang pagbalik sa maong pondo posibleng makaapekto sa deficit target sa nasud kung himoon kini karong tuiga.
Iyang gisugyot nga ilakip ang pagbalik sa pondo sa National Expenditures Program alang sa tuig 2026 aron malikayan ang dugang nga fiscal pressure.
Ang oral arguments bahin sa maong isyu nagpadayon sa Korte Suprema, diin ang mga petisyon naghangyo nga ipahunong ang pagbalhin sa pondo ngadto sa National Treasury.
Kini nga desisyon mihatag sa dakung impact sa dagan sa ekonomiya ug sa mga benepisyo nga ihatag sa PhilHealth.
Una nang gipamugos ni Recto nga wala sukad nabangkarota ang ahensya sukwahi sa napakatag nga mga impormasyon sa social media
Compiled by: Ann Quileste, Zen Cahatol,
