CAGAYAN DE ORO CITY, Philippines – Gisupak sa Sanguniang Panlalawigan ang mikatag nga impormasyon nga ibaligya na sa administrasyon ni Misamis Oriental Governor Peter Unabia ang Misamis Oriental General Comprehensive High School (MOGCHS).
Sa exclusive interview sa Bombo Radyo, namahayag si SP Board Member Gerardo “Boboy” Sabal III nga igo lang muhatag kaguliyang ang nasampit nga impormasyon, ilabe nga kapin 11,000 ka mga magtutungha ang ma-apektuhan kung kini ibaligya o huptan sa pribadong sektor.
Namugos si Sabal nga aduna pay nakahan-ay nga mga programa ug redevelopment plan ang kapitolyo-probinsyal sa maong tunghaan.
Sa pikas bahin, gitataw ni Sabal ang report nga “fake news” ang pagprivatize sa operasyon sa Don Gregorio Pelaez Sports Center, nga nahimutang abay sa tunghaan, ning syudad.
