Milampos ang mga operatiba sa Philippine Drug Enforcement Agency Regional Office X (PDEA RO-X) ug Misamis Occidental Provincial Office sa pagsikop sa tolo ka mga drug suspek nga nagmintinar sa usa ka drug den sa Tangub City, Misamis Occidental.
Namahayag ang Tangub City Police Station nga ilang nadismantol ang drug den nga nahimutang sa Purok 4, Brgy. Labuyo ug nasikop ang usa ka Alyas John, 19 anyos, magtutungha sa kolehiyo, ug maoy gitumbok nga “drug den maintainer.
Kuyog nga naaresto ang tigbisitahan sa drug den nga sila alyas Veronico, 31 anyos minyo ug molopyo sa Brgy. Digson, Bonifacio, Misamis Occidental; ug si Alyas Eunil, 22,
estudyante, gitumbok nga trabahante sa drug den, ug residente sa Purok 4, Caniangan.
Nakuha sa sulod sa nabungkag nga drug den ang walo ka gramo sa gitoohang shabu, nga mukantidad sa P40,8000
Silang tanan, pasakahan sa paglapas sa Section 15, Article II saRepublic Act 9165 o mas naila isip Comprehensive Dangerous Drugs Act of 2002.
